||om tat sat||

Select text in Devanagari Kannada Gujarati English

ઉત્તર ચરિતમુ
મહાસરસ્વતી ધ્યાનમ્

ઘણ્ટાશૂલહલાનિ શંખમુસલે ચક્રં ધનુઃ સાયકં
હસ્તાબ્જૈર્દધતીં ઘનાન્તવિલસત્ શીતાંશુ તુલ્યપ્રભામ્|
ગૌરીદેહસમુદ્ભવાં ત્રિજગતામ્ આધારભૂતાં મહા
પૂર્વામત્ર સરસ્વતીમનુભજે શુમ્ભાદિ દૈત્યાર્દિનીમ્||

||ઓમ્ તત્ સત્||
=============
સપ્તમાધ્યાયઃ||

ઋષિરુવાચ||

આજ્ઞપ્તાસ્તે તતો દૈત્યાઃ ચણ્ડમુણ્દ પુરોગમાઃ|
ચતુરંગબલો પેતા યુયુરભ્યુદ્યતાયુધાઃ||1||

દદૃશુસ્તે તતો દેવી મીષદ્ધાસાં વ્યવસ્થિતામ્|
સિંહસ્યોપરિ શૈલેન્દ્ર શૃંગે મહતિ કાંચને||2||

તે દૃષ્ટ્વા તાં સમાદાતું ઉદ્યમઞ્ચક્રુરુદ્યતઃ|
આકૃષ્ટચાપાસિધરાઃ તથાઽન્યે તત્સમીપગાઃ ||3||

તતઃ કોપં ચકારોચ્ચૈઃ અમ્બિકા તાનરીન્પ્રતિ|
કોપેન ચાસ્યા વદનં મષીવર્ણમભૂત્ તદા||4||

ભ્રુકુટીકુટિલાત્ તસ્યા લલાટ ફલકાદ્દ્રુતમ્|
કાળી કરાળ વદના વિનિષ્ક્રાન્તાસિપાશિની||5||

વિચિત્ર ખટ્વાંગધરા નરમાલાવિભૂષણા|
દ્વીપિચર્મપરીધાના શુષ્કમાંસાતિ ભૈરવા||6||

અતિ વિસ્તાર વદના જિહ્વાલલન ભીષણા|
નિમગ્નારક્તનયના નાદાપૂરિત દિંગ્મુખા||7||

સા વેગેનાભિ પતિતા ઘાતયન્તી મહાસુરાન્|
સૈન્યે તત્ર સુરારીણા મભક્ષયત તદ્બલમ્||8||

પાર્ષ્ણિગ્રાહાં કુશગ્રાહિ યોધઘણ્ટા સમન્વિતાન્|
સમાદાયૈકહસ્તેન મુખે ચિક્ષેપ વારણાન્||9||

તથૈવ યોધં તુરગૈ રથં સારથિના સહ|
નિક્ષિપ્ય વક્ત્રે દશનૈઃ ચર્વયંત્યતિભૈરવમ્||10||

એકં જગ્રાહ કેશેષુ ગ્રીવાયામથ ચાપરમ્|
પાદેનાક્રમ્ય ચૈવાન્યમુરસાન્યમપોથયત્||11||

તૈર્મુક્તાનિ ચ શસ્ત્રાણિ મહાસ્ત્રાણિ તથાસુરૈઃ|
મુખેનજગ્રાહ રુષા દશનૈઃ મથિતાન્યપિ ||12||

બલિનાં તદ્બલં સર્વં અસુરાણાં દુરાત્મનામ્|
મમર્દાભક્ષયચ્ચાન્યાન્ અન્યાંશ્ચાતાડયત્તથા||13||

અસિના નિહતાઃ કેચિત્ કેચિત્ ખત્વાઙ્ગતાડિતાઃ|
જગ્મુર્વિનાશમસુરા દન્તાગ્રાભિહતાસ્તથા||14||

ક્ષણેન તદ્બલં સર્વં અસુરાણાં નિપાતિતમ્|
દૃષ્ટ્વા ચણ્ડોઽભિદુદ્રાવ તાં કાળીમતિભીષણામ્||15||

શરવર્ષૈર્મહાભીમૈર્ભીમાક્ષીં તાં મહાસુરઃ|
છાદયામાસ ચક્રૈશ્ચ મુણ્દઃ ક્ષિપ્તૈઃ સહસ્રશઃ||16||

તાનિ ચક્રાણ્યનેકાનિ વિશમાનાનિ તન્મુખમ્|
બભુર્યથાર્કબિમ્બાનિ સુબહૂનિ ઘનોદરમ્||17||

તતો જહાસાતિરુષા ભીમં ભૈરવનાદિની|
કાળી કરાળવક્ત્રાન્તઃ દુર્દર્શદશનોજ્જ્વલા||18||

ઉત્થાય ચ મહાસિંહં દેવી ચણ્દમધાવત|
ગૃહીત્વા ચાસ્ય કેશેષુ શિરસ્તેનાસિનાચ્છિનત્ ||19||

અથ મુણ્ડોઽભ્યધાવત્તાં દૃષ્ટ્વા ચણ્ડં નિપાતિતં |
તમપ્યપાતયદ્ભૂમૌ સા ખડ્ગાભિહતં રુષા||20||

હતશેષં તતઃ સૈન્યં દૃષ્ટ્વા ચણ્ડં નિપાતિતં|
મુણ્ડં ચ સુ મહાવીર્યં દિશો ભેજે ભયાતુરમ્||21||

શિરશ્ચણ્ડસ્ય કાળી ચ ગૃહીત્વા મુણ્ડમેવચ|
પ્રાહ પ્રચણ્ડાટ્ટહાસ મિશ્રમભ્યેત્ય ચણ્ડિકામ્||22||

મયા તવાત્રોપહૃતૌ ચણ્ડમુણ્ડૌ મહાપશૂ|
યુદ્ધયજ્ઞે સ્વયં શુમ્ભં નિશુમ્ભં ચ હનિષ્યસિ||23||

ઋષિરુવાચ||

તાવાનીતૌ તતો દૃષ્ટ્વા ચણ્દમુણ્દૌ મહાસુરૌ|
ઉવાચ કાળીં કલ્યાણી લલિતં ચણ્ડિકા વચઃ||24||

યસ્માચ્ચણ્ડં ચ મુણ્ડં ચ ગૃહીત્વા ત્વમુપાગતા|
ચામુણ્ડેતિ તતો લોકે ખ્યાતા દેવિ ભવિષ્યસિ||25||

ઇતિ માર્કણ્ડેય પુરાણે સાવર્ણિકે મન્વન્તરે
દેવી મહાત્મ્યે ચણ્ડમુણ્દ વથો નામ
સપ્તમાધ્યાયઃ ||

|| ઓમ્ તત્ સત્||
=====================================
updated 27 09 2022 1800